ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ಸ್ 2026 ಟೂರ್ನಿ: ನ.22ರಂದು ಭಾರತ Vs ಪಾಕಿಸ್ತಾನ
- by Legal Samachar
- November 21, 2026
- 11 Views
ದೋಹಾ: ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ಸ್ 2026 ಟೂರ್ನಿಯಲ್ಲಿ ನೇಪಾಳವನ್ನು 26 ರನ್ಗಳಿಗೆ ಆಲೌಟ್ ಮಾಡಿ 306 ರನ್ಗಳ ಭರ್ಜರಿ ಜಯ ದಾಖಲಿಸಿರುವ ಭಾರತ ಎ ತಂಡ ನವೆಂಬರ್ 22ರಂದು ಪಾಕಿಸ್ತಾನ ಎ ತಂಡವನ್ನು ಎದುರಿಸಲಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಎ 50 ಓವರ್ಗಳಲ್ಲಿ 9 ವಿಕೆಟ್ಗೆ 332 ರನ್ ಗಳಿಸಿತು. ಕುಮಾರ್ ಕುಶಾಗ್ರಾ (117) ಮತ್ತು ನಾಯಕ ತಿಲಕ್ ವರ್ಮಾ (107) ನಾಲ್ಕನೇ ವಿಕೆಟ್ಗೆ 206 ರನ್ಗಳ ಜೊತೆಯಾಟವಾಡಿದರು. ಸೂರ್ಯಾಂಶ್ ಶೆಡ್ಗೆ 14 ಎಸೆತಗಳಲ್ಲಿ ಅಜೇಯ 36 ರನ್ ಗಳಿಸಿದರು.

ಗುರಿ ಬೆನ್ನಟ್ಟಿದ ನೇಪಾಳ 11.3 ಓವರ್ಗಳಲ್ಲಿ 26 ರನ್ಗಳಿಗೆ ಕುಸಿಯಿತು. ಪ್ರಿನ್ಸ್ ಯಾದವ್ 5 ಹಾಗೂ ಹರ್ಷಿತ್ ರಾಣಾ 4 ವಿಕೆಟ್ ಪಡೆದರು. ನೇಪಾಳದ ಯಾವುದೇ ಬ್ಯಾಟರ್ ಎರಡಂಕಿ ಮೊತ್ತ ತಲುಪಲಿಲ್ಲ.
ಈ ಮೂಲಕ ಲಿಸ್ಟ್ ಎ ಕ್ರಿಕೆಟ್ನಲ್ಲಿ ಎದುರಾಳಿಯನ್ನು 26 ರನ್ಗಳಿಗೆ ಆಲೌಟ್ ಮಾಡಿದ ಮೊದಲ ‘ಎ’ ತಂಡ ಎಂಬ ವಿಶ್ವ ದಾಖಲೆ ಭಾರತ ಎ ತಂಡದ ಪಾಲಾಗಿದೆ. 2005ರಲ್ಲಿ ದಕ್ಷಿಣ ಆಫ್ರಿಕಾ ಎ ತಂಡ ನಿರ್ಮಿಸಿದ್ದ 45 ರನ್ಗಳ ದಾಖಲೆಯೂ ಪತನಗೊಂಡಿದೆ.


Comments (0)